• Call Us
  • +25146 2206572

ለተግባር ልምምድ በመጡ ተማሪዎች የለማ የበጀት አስተዳደር ሲስተም ተገመገመ፡፡

Encubationበደ/ብ/ብ/ህ/ክ/መ/ የሳይንስና ኢንፎርሜሽን ቴክኖሎጂ ቢሮ በክልሉ ከሚገኙ ዩኒቨርሲቲዎች ጋር ባደረገው የሁለትዮሽ ስምምነት መሰረት ከአርባምንጭ ዩኒቨርሲቲ ለተግባር ልምምድ የመጡ ተማሪዎች ለተከታታይ አራት ወራት በተቋሙ የቆይታ ጊዜያቸው ሲያለሙት የነበረ ፕሮጀክት የበጀት አስተዳደር ሲስተም በቢሮው ከፍተኛ የሲስተም ልማትና አስተዳደር ባለሙያዎች ተገመገመ፡፡

ተማሪዎቹ በተግባር ልምምድ ቆይታቸው በቢሮው ከፍተኛ የሲስተም ባለሙያዎች ድጋፍና ክትትል ሲደረግላቸው እንደቆዩ የግል ሥራ ፈጠራ ዳይሬክቶሬት ዳይሬክተር አቶ ቴዎድሮስ ካሳ ገልጸዋል፡፡ በቀጣይ የተሻሉ ፕሮጀክቶችን መርጦ ጥቅም ላይ ለማዋል ተቋሙ እንደሚሰራ አቶ ቴዎድሮስ ተናግረዋል፡፡

ሲስተሙን ያለሙት ተማሪዎች በተቋሙ በነበራቸው ቆይታ በከፍተኛ የሲስተም በለሙያዎች ድጋፍ ማግኘታቸው በትምህርት ቆይታቸው ያገኙትን ንድፈ ሀሳብ ወደ ተግባር በቀላሉ ለመቀየር እንደረዳቸው ገልጸዋል፡፡ በቀጣይ በተሰጣቸው አስተያት መሰረት ፕሮጀክቱን አሻሽለው ከውጤት ለመድረስ እንደሚሰሩ ገልጸዋል፡፡ በመጨረሻም በተቋሙ ስለተደረገላቸው ድጋፍና ክትትል ምስጋናቸውን ለተቋሙ አቅርበዋል፡፡